Финансии / Банкарство
ПОТРЕБНИ СЕ УСЛОВИ ЗА НОРМАЛНО ФУНКЦИОНИРАЊЕ НА ПАЗАРНИОТ НАЧИН НА СТОПАНИСУВАЊЕ
Бранко Азески
Претседател на Стопанската комора на Македонија
1. Што мислите дека треба да остане непроменето од економските политики на претходната Влада?
2. Кои се клучните економски потези што треба да ги направи новата Влада?
Потребни се: зголемување на економскиот раст; спроведување на економските реформи за подобрување на бизнис-климата и зајакнување на конкурентноста на македонската економија; зголемување на производството, извозот и инвестициите; намалување на невработеноста; унапредување на инфраструктурата и зголемување на капиталните инвестиции; одржување на макроекономска стабилност.
Гледано од тој аспект, актуелната Влада треба само во консултација и соработка со бизнис-заедницата да утврди на кој начин и со какви нови инструменти и методи овие цели би можеле поефикасно да се остварат.
Потребно е создавање нормални услови на стопанисување на пазарот на стоки и услуги од аспект на непречено владеење на правото и од аспект на отстранување на сите фактори што го нарушуваат нормалното функционирање на пазарниот начин на стопанисување.
Клучните мерки треба да се насочат кон изготвување долгорочна стратегија за економски развој, која ќе услови домашните и странските инвестиции да бидат двигатели на растот, да се зголеми извозот на конкурентни производи, приватниот сектор да ја апсорбира високата невработеност, да се модернизира инфраструктурата, да се намали енергетската зависност на земјава.