Финансии / Банкарство
Сашо Наумоски: ПАТНАТА ИНФРАСТРУКТУРА Е ВАЖНА НЕ САМО ЗА ТУРИСТИТЕ, ТУКУ ПРЕД СÈ ЗА МАКЕДОНСКИТЕ КОМПАНИИ КОИ СЕКОЈДНЕВНО ГИ КОРИСТАТ ОВИЕ ПАТИШТА
Сашо Наумоски
Генерален директор на Витаминка, Прилеп
Што мислите дека треба да остане непроменето од економските политики на претходната Влада?
Кои се клучните економски потези што треба да ги направи новата Влада?
Императивно е да се продолжи со изградбата на патната инфраструктура, пред сѐ патниот правец Охрид – Кичево, а неопходно е да се доврши и патот Прилеп – Скопје. Патната инфраструктура е важна не само за туристите, туку пред сѐ за македонските компании кои секојдневно ги користат овие патишта. Поради тоа покрај автопатот Демир Капија – Смоквица треба да се вложи и во обиколница кај Битола до границата со Грција, што ќе ни овозможи брз пристап до Игуменица. Треба да се размислува како да се подобри патната инфраструктура бидејќи тоа е крвотокот на секоја економија.
Покрај олеснување на пробивот на странските пазари, со субвенционирање на саемските манифестации и на трошоците за истражување на странски пазари, во насока на унапредување на домашната економија eипоголемата грижа за домашните стопански субјекти. Во овој момент најважно е да се даде поддршка за домашните компании кои би инвестирале во нови производствени капацитети за производи со додадена вредност, готов производ, а не само поддршка на примарното земјоделско производство. Една сугестија е да се основа Агенција за домашни инвестиции со цел поедноставување и најбрзо можно вадење на сите потребни дозволи за градба, решавање на инфраструктурни и комунални решенија потребни за инвестицијата.
Што мислите дека треба да остане непроменето од економските политики на претходната Влада?
Кои се клучните економски потези што треба да ги направи новата Влада?