Интервјуа
РИКАРДО ВИАН МАРКЕС, ГЕНЕРАЛЕН ДИРЕКТОР НА ГАЛЕНИКА: Глобално сме конкурентни со нашата експертиза, квалитет и 78-годишно наследство во заштита на здравјето
28.04.2023г
Со задоволство можам да кажам дека Галеника ја докажа својата способност да се натпреварува на глобално ниво со својата експертиза и квалитет во фармацевтската индустрија, вели генералниот директор на фармацевтската компанија Галеника, Рикардо Виан Маркес
Брендот Галеника веќе 78 години во Северна Македонија се препознава по квалитетот и довербата што ја има меѓу потрошувачите. На пазарот овој бренд значи и развој и фокус кон иднината, понатамошна интернационализација на бизнисот, инвестирање во важноста на превенцијата преку корпоративни иницијативи и партнерства. Ова се дел од темите за кои разговаравме со Рикардо Виан Маркес , генерален директор на фармацевтската компанија Галеника.
- Галеника во последните неколку години бележи значителен раст. Што придонесува за подемот на кој сме сведоци?
Со гордост можам да кажам дека во периодот од 2018 до крајот на 2022 година, Галеника го удвои обемот на продажба и извоз, го зголеми производството за 22%, го прошири портфолиото и регистрираше дури 146 производи. Ова јасно ја покажува силата на нашето 78-годишно наследство, но и нашата ориентација кон иднината и развојот, каде што сме посветени на луѓето и здравјето во секое време. За успехот и растот придонесуваат континуираните инвестиции, модернизацијата и посветеноста на тимот кој дели заедничка визија за иднината на Галеника.
Проширувањето на портфолиото со модерни, висококвалитетни производи покажува иновативност, и е предуслов за раст на компанијата. На овој начин, Галеника на корисниците секогаш им обезбедува релевантни и најквалитетни производи, усогласени со нивните современи потреби. Иако 2022 година беше исполнета со предизвици поради турбуленциите на глобалниот пазар, лансиравме 18 нови производи во Северна Македонија, 61 на регионалните пазари каде работиме, како и 16 нови производи на меѓународните пазари, вклучувајќи ги и земјите од ЕУ и од МЕНА регионот. По отворањето на првото претставништво во Европската Унија, во Унгарија, Галеника отвори претставништва во Словенија и Хрватска во 2022 година. Извезуваме на регионалните пазари, како и на 15 меѓународни пазари во Европа, Блискиот Исток и Африка. Ова меѓународно проширување јасно ги докажува највисоките стандарди и квалитет што ги применуваме, како и довербата и релевантноста. Со задоволство можам да кажам дека Галеника ја докажа својата способност да се натпреварува на глобално ниво со својата експертиза и квалитет во фармацевтската индустрија.
- Галеника е дел од бразилската NC групација. Како ова влијае на бизнисот на компанијата?
Галеника е дел од бразилската NC групација, која е меѓу најголемите конгломерати во Бразил. Групата вработува над 10.000 луѓе, додека 50 отсто од вработените работат во фармацевтската индустрија. Имено, сестринската компанија на Галеника - EMS, која исто така е дел од NC групацијата, е број еден фармацевтска компанија во Бразил и една од најголемите во Латинска Америка. EMS извезува на 55 пазари и има 4 производствени погони во Бразил, а ја поседува и истражувачката лабораторија MonteResearch во Италија.
Галеника има стратешка соработка со EMS, што значително ја зајакнува компанијата и нејзиното работење во Србија и надвор од неа. Ќе ви дадам пример: во 2022 година, службата за истражување и развој на Галеника, во стратешко партнерство со EMS, успешно го спроведе трансферот на технологија на пет производи од најновата генерација генерички лекови. И не застануваме тука. Во 2023 година веќе започнавме со имплементација на трансфер на технологија за дополнителни 5 производи од поновата генерација на генерички лекови.
Галеника ја претставува најголемата бразилска инвестиција во Србија. Ние сме, исто така, горди што претставуваме таков фармацевтски гигант како EMS, но горди сме и на сопствена традиција и на брендот Галеника, кој го претставува квалитетот на производите и довербата на потрошувачите.
- Кои ги сметате за приоритети на Галеника во 2023 година?
Има три приоритети: луѓето, здравјето и одржливиот бизнис. Фокусирани сме на луѓето и проширувањето на нашето портфолио, како и континуираната испорака на потребните количини производи со висок квалитет. Звучи едноставно, но во овие глобални услови може да биде предизвик и бара големи напори, заедно со стручност и посветеност.
Фокусирани сме на здравјето, како и на темата превенција преку подигање на свеста и корпоративни иницијативи и партнерства.
Во однос на бизнисот, целиме кон двоцифрен раст, понатамошна интернационализација на бизнисот и дигитализација врз основа на релевантни деловни податоци собрани од пазарот, иновациите и деловната агилност. Како компанија со долга деловна традиција, чија основна цел вклучува одговорно работење, како од финансиски, така и од социјален аспект, Галеника успешно ги спроведува мерките за заштита на животната средина и постигнува цели кои се во согласност со строгите барања на стандардот ISO 14001:2015. Галеника произведува повеќе, но со оптимизирана потрошувачка и со помалку природни ресурси: во текот на 2022 година го намаливме создавањето на отпад за дури 38% во споредба со 2021 година, додека емисиите на CO2 беа намалени за 25%. Нашата намера е да одржиме највисоко ниво на заштита на животната средина преку превентивни активности.
Нашите вработени, партнери, лекари, фармацевти и потрошувачи веруваат на Галеника бидејќи препознаваат дека општествената одговорност е вткаена во сите аспекти на нашата работа: почнувајќи од здравјето и безбедноста на нашите вработени, преку највисоките стандарди за квалитет во производството, партнерствата и поддршката за медицинските и фармацевтските професионалци, како и преку заштитата на животната средина.
- Според вас, колку се важни иновациите во споредба со секојдневниот бизнис?
Времињата се менуваат и промените се молскавично брзи. Секојдневните деловни искуства се менуваат буквално од ден на ден. Иновациите се неопходни и водени од податоците на пазарот, длабинското познавање на секој пазар, аналитиката и тимската експертиза и креативноста. Секоја од нашите иновативни иницијативи, без разлика на сектор или деловна област, има едно нешто заедничко, а тоа е посветени на луѓето и лојални на здравјето. Посветеноста на тимот на Галеника на деловните процеси и иновациите е јасна илустрација на одлучните чекори што ги презема компанијата за зајакнување на брендот Галеника, што значи доверба и квалитет, а пред сẻ фокусирање на компанијата кон поздрава и подобра иднина.