Финансии / Банкарство
ГРАЃАНИТЕ ВО ЦРНА ГОРА СЕ ПРЕЗАДОЛЖЕНИ КОН БАНКИТЕ, секој жител во ЦГ должи над 11 илјади евра
23.09.2024
Задолженоста на граѓаните на Црна Гора во 2024 година надмина над две милијарди евра, информираат од Централната банка на ЦГ. Најголемиот дел или 43 отсто се однесуваат на кредитите во готово, додека станбените кредити и заемите за адаптација изнесуваат 33 отсто од вкупните кредити на физичките лица.
Податоците на Централната банка на ЦГ укажуваат на континуиран раст на задолженоста на граѓаните во последните три години. Вкупната задолженост на граѓаните во 2022 година изнесувала 1,7 милијарди евра, во 2023 година се зголеми на 1,8 милијарди евра и оваа година достигна рекордно ниво и надмина над две милијарди евра.
- Според податоците од Кредитниот регистер со состојба 31.7.2024 година има 177.606 физички лица кои вкупно должат 2,2 милијарди евра, вели Јелена Обрадовиќ од ЦБЦГ.
Економистот Олег Филиповиќ вели дека оваа задолженост на граѓаните во Црна Гора е загрижувачка, ако се има предвид бројот на граѓаните во земјата. Од вкупниот долг на физичките лица кон финансиските институции 41 отсто се на жителите на главниот град Подгорица.
- За жал, банките остваруваат високи профити , во земјата практично не функционира пазарот за кредитирање. Повеќе од две милијарди долг на физички лица во земја, која има 600.000 жители и од нив од 370 до 400 илјади се полнолетни граѓани значи високо ниво на задолженост, изјави Филиповиќ, пренесува „Инвеститор.ме“.
фото freepic