Јавниот долг на Италија во август се приближи до три билиони евра, а во однос на претходниот месец се зголеми за 11,9 милијарди, соопшти Банката на Италија.
Државниот долг од 2,9625 билиони евра се зголеми наспроти зголемувањето на даночните приходи. Даночните приходи во август изнесувале 62,4 милијарди евра и се поголеми за 7,4 милијарди или за 13,4 отсто повеќе во однос на истиот месец во 2023 година, пренесува „Фена“.
Даночните приходи во Италија за првите осум месеци годинава изнесуваат 371,7 милијарди евра или за 5,5 отсто повеќе во однос на истиот период во 2023 година.
фото freepic