Финансии / Банкарство
ЕВРОПСКАТА ЦЕНТРАЛНА БАНКА ГИ НАМАЛИ КАМАТНИТЕ СТАПКИ
17.10.2024
Европската централна банка (ЕЦБ) ги намали каматните стапки по третпат годинава. Сите клучни каматни стапки ги намали за 25 базични бодови. Од 23 октомври 2024 година каматната стапка на депозитните олеснувања ќе биде намалена на 3,25 отсто, на главните операции за рефинансирање на 3,40 отсто, додека каматната стапка на граничните кредитни линии ќе биде 3,65 отсто.
- Oчекувањата се дека инфлацијата ќе се зголеми во наредните месеци пред да се намали на посакуваното ниво во 2025 година. Домашната инфлација и натаму е висока, бидејќи платите растат со високо темпо. Истовремено притисоците на трошоците за работа ќе продолжат постепено да се намалуваат, а профитот делумно ќе го намали нивното влијание на инфлацијата, се наведува во соопштението на ЕЦБ.
Европската централна банка е одлучна во намерата за среднорочното остварување за враќање на инфлацијата на два отсто. Затоа, референтните стапки ќе се одржуваат доволно рестриктивно колку што е потребно за остварување на оваа цел, информираат од ЕЦБ, пренесува Н1.
фото freepic