Финансии / Банкарство
БАНКАТА НА ТУРЦИЈА ЈА ЗАДРЖА ИСТАТА КАМАТНА СТАПКА, годишната стапка на инфлација во Турција се намали на 49,38 отсто
18.10.2024
Централната банка на Турција одлучи по седми пат по ред да ја задржи референтната каматна стапка на 50 отсто.
- Во септември основниот тренд на инфлацијата забележа благо намалување. Поради тоа постои неизвесност од натамошно намалување на стапката на инфлација во земјата, се наведува во соопштението на Комитетот за монетарна политика на ТЦМБ.
Комитетот за монетарна политика забалежал дека трендот на инфлацијата во Турција се зголеми кон крајот на третиот квартал годинава. Високата инфлација во секторот на услуги го надомести забавениот раст на базната инфлација.
Меѓународниот монетарен фонд минатата недела ја повика Турција да ја забрза борбата против инфлацијата и предупреди на последиците од најавеното подигнување на платите.
Годишната стапка на инфлација во Турција во септември се намали од 51,97 на 49,38 отсто, објави на почетокот на октомври Турскиот институт за статистика Туркстат. На месечно ниво инфлацијата се зголеми за 2,97 отсто, пренесува „Телеграф“.
фото freepic