Финансии / Банкарство
ЕВРОТО ОСЛАБНА, ДОЛАРОТ РАСТЕ ТРЕТА НЕДЕЛА ПО РЕД
20.10.2024
Минатата недела вредноста на доларот во однос на кошничката валути порасна трета недела по ред, додека еврото изгуби од својата вредност по одлуката на Европската централна банка за намалување на каматните стапки.
Индексот на доларот, кој ја покажува вредноста на американската валута кон шест најголеми светски валути, минатата недела се зголеми за 0,5 отсто на 103,46 бодови. Ова е близу негова највисока вредност во последните два месеца.
Курсот на еврото кон доларот се намали за 0,65 отсто и се европската валута се разменуваше за 1,0866 долари.
Американската валута зајакна и во однос на јапонскиот јен за 0,25 отсто и се разменуваше за 149,50 јени.
Јакнењето на доларот е последица на процените дека американската централна банка ќе го намали темпото за намалување на каматните стапки. Позитивно влијание на силниот долар имаа и поволните макроекономски податоци за САД, кои ги намалија стравувањата за рецесија во најголемата светска економија, пренесе „Индекс.хр“.
фото freepic