Финансии / Банкарство
ВО СРБИЈА СЕ ОГРАНИЧУВА МАКСИМАЛНАТА КАМАТА ЗА КРЕДИТИ ЗА СТАНОВИ
22.10.2024
Во Србија се во завршна фаза подготовките за носење на новите закони за финансискиот систем и заштита на граѓаните од превисоките камати за готовинските и станбени кредити, за користење на кредитните картички и за влегување во дозволен минус.
- За дозволениот или недозволениот минус на кредитните картички максималната можна каматна стапка ќе биде 19,75 отсто. Тоа ќе биде голема заштеда за граѓаните, бидејќи сегашните камати се движат до 29 отсто, изјави српскиот претседател Александар Вучиќ.
За кредитите во готово, каматната стапка ќе се одреди на максимално ниво од 15,75 отсто. Каматни олеснувања ќе има и за граѓаните кои земале хипотекарни и станбени кредити.
- Во случај кога не ќе можат да ги отплатуваат кредитите банките ќе бидат обрзани да им понудат олеснувања на граѓаните, пред да се дојде до извршување на ненаплатените рати. На луѓето ќе им се даде можност да го продадат имотот и да може да го вратат долгот на банките, а не како досега да се продава по најниска цена, изјави Вучиќ.
Од 2025 година се предвидува и можноста максималните каматни стапки за кредитите за станови да биде пет отсто. По оваа година каматата не смее да биде поголема од просечната пондерирана стапка, која изнесува 5,44 отсто. Ова ќе се однесува и за кредитите со променливи каматни стапки. Банките ќе мораат да работат со фиксни стпаки, а за тоа ќе добиваат посебни поволности од државата, пренесува „Курир“.
фото freepic