Финансии / Банкарство
ФОРИНТАТА „ОСЛАБНА“ ВО ОДНОС НА ЕВРОТО, КАМАТНАТА СТАПКА ВО УНГАРИЈА НЕ СЕ МЕНУВА
22.10.2024
Унгарија ќе ја задржи непроменета каматната стапка на 6,5 отсто, откако централната банка сигнализираше дека монетарното попуштање ќе се одложи по падот на вредноста на форинтата.
Минатиот месец унгарската централна банка ја намали клучната стапка за четвртина поен на 6,5 отсто. Намалувањето на курсот на националната валута го принуди заменик гувернерот Барнабас Вираг да заземе поостар став минатата недела, изјавувајќи дека „геополитиката и променливите очекувања од американските каматни стапка ја ограничуваат можноста за монетарно релаксирање во Унгарија“.
Вредноста на форинтата овој месец падна на 18 месечниот минимум во однос на еврото, а во октомври ослабна за повеќе од еден отсто.
До крајот на годината се предвидува зголемување на инфлацијата, а очекувањата се дека мерките на унгарската влада за забрзување на економскиот раст пред изборите во 2026 година ќе ги ограничи политиките на централната банка.
- Јасно е дека намалувањето на каматите не се на маса. Главно прашање е колку ќе трае паузата во намалувањето на каматите. Очекуваме уште едно намалување на стапката во декември. Но, пазарите се движат во спротивна насока, изјави Франтишек Таборски, аналитичар во ING Groep NV, пренесува „Бизнис.рс“.
фото freepic