Финансии / Банкарство
ЗГОЛЕМЕНИ СЕ РЕЗЕРВИТЕ ВО ЗЛАТО ВО РУСИЈА
09.11.2024
Руските инвестиции во злато минатиот месец се зголемени за 4 отсто, надминувајќи го рекордот кој беше поставен во септември кога златните резерви изнесуваа 199,8 милијарди долари.
Учеството на златото во руските девизни резерви се зголеми од 31,5 отсто во септември на 32.9 отсто во октомври годинава. Ова е новиот максимум кој беше постигнат во ноември 1999 година, кога учеството на племениот метал изнесуваше 34 отсто.
На 1 јануари 1993 година учеството на златото во златните и девизните резерви беше 56,9 отсто, а најмалото ниво беше во јуни 2007 година со само 2,1 отсто.
Централната банка на Русија соопшти дека меѓународните резерви на Русија на 1 ноември се намалиле од 633,7 милијарди на 631 милијарди долари, пренесе „Новости“.
фото freepic