Финансии / Банкарство
ДОЛАРОТ ПРОДОЛЖУВА ДА РАСТЕ ВО ОДНОС НА ЕВРОТО И ЈЕНОТ
11.11.2024
Вредноста на доларот се зголеми во однос на кошничката од светските валути. Индексот на доларот, кој ја покажува вредноста на американската валута во однос на шесте најважни валути, денеска се движи околу 105.05 бодови. На тргувањето во петокот вредноста на доларот изнесуваше 104,95 бодови.
Курсот на доларот во однос на јапонскиот јен се зголеми за 0,5 отсто и се разменуваше за 153,45 јени.
Американската валута зајакна и во однос на еврото, а европската валута се разменува за 1,0715 долари. Во петокот вечерта едно евро се разменуваше за 1,0718 долари.
Цената на нафтата се намали, по нејзиниот раст за 1 отсто на тргувањето од минатата недела. Цената на барелот на лондонскиот пазар се намали за 0,38 отсто односно на 73,60 долари. На американскиот пазар барелот поевтини за 0,48 отсто и изнесува 70,05 долари.
На денешното тргување на азиските берзи цените на акциите се намалија. Азискиот индекс MSCI утринава беше во минус 0,2 отсто. Падот на азиските берзи е последица на послабите податоци за кинеската економија, кои се под очекуваните прогнози, пренесува „Индекс.хр“.
фото freepic