Финансии / Банкарство
РАСТЕ НЕВРАБОТЕНОСТA ВО ВЕЛИКА БРИТАНИЈА, ФУНТАТА СО НАЈМАЛА ВРЕДНОСТ
12.11.2024
Стапката на невработеноста во Велика Британија во третото тромесечие годинава се зголемила на 4,3 отсто, а дополнително се забавува и растот на платите, oбјави британската Канцеларија за национална статистика (ОНС).
Стапката на невработеност во вториот квартал годинава изнесуваше 4 отсто. Процентот на лицата во Велика Британија кои не се економски активни, односно не се вработени и кои не бараат работа, изнесува 21,8 отсто.
Платите во земјата, а во кои не се вклучени и бонусите, во периодот од јули до септември се зголемиле за 4,8 отсто, додека во вториот квартал пораснале за 4,9 отсто.
Економистите веруваат дека Банката на Англија поради забавениот раст на платите да продолжи со постепеното намалување на каматните стапки, пренесува „Гардијан“.
Вредноста на британската фунта по објавувањето на податоците за невработеноста и за платите се намали за 0.5 отсто и се разменуваше за 1,2806 долари, што е најмала вредност од средината на август.
фото freepic