Lifestyle
Јапонските истражувачи постигна нова рекордна брзина на интернет!
11.07.2025
Јапонските истражувачи постигнаа рекордна брзина на интернет од 1,02 петабити во секунда. Овој пробив ја користи постоечката оптичка технологија и би можел да го трансформира споделувањето податоци на глобално ниво. Оваа брзина би можела да овозможи обработка на вештачка интелигенција во реално време низ континентите. Иако сè уште не е достапна за домашна употреба, би можела да ги револуционизира 6G мрежите и подводните кабли.
Во јуни 2025 година, истражувачите од јапонскиот Национален институт за информатичка и комуникациска технологија (NICT) го срушија светскиот рекорд испраќајќи податоци со брзина од 1,02 петабити во секунда - тоа се 1.020.000 гигабити во секунда, пренесува Блиц бизнис.
Таквиот брз интернет може да овозможи моментална обработка на податоци со вештачка интелигенција на глобално ниво, поврзувајќи ги центрите за податоци низ целиот свет како да се на истата локална мрежа.
Со оваа интернет мрежа можно е истовремено да се гледаат 10 милиони 8K ултра-HD видеа, што значи дека секое лице во Токио и Њујорк може бесплатно да гледа филм со висок квалитет. Корисниците на супербрззиот интернет можат да преземат 127.500 години музика за една секунда или да се направи резервна копија од целата содржина на Википедија 10.000 пати во секунда.
фото freepic