Финансии / Банкарство
КОЛКУ ЈАВНИ ПАРИ СЕ ПОТРОШЕНИ ОД ГЕРМАНСКИТЕ МИНИСТРИ ЗА ШМИНКАЊЕ И ФОТОГРАФИРАЊЕ!
19.07.2025
Коалицијата „семафор“ во Германија потрошила вкупно 588.405 евра јавни пари за шминка, фризура и стилизирање на министрите во периодот од 2022 до март 2025 година, објави германскиот весник Билд, според увидот во извештај на федералната влада.
Најголемите расходи се регистрирани во Министерството за надворешни работи, под водство на Аналена Бербок, во кое биле потрошени 20.849 евра само во првите три месеци од 2025 година, што е во просек 248 евра дневно само за шминка.
Нејзината долгогодишна шминкерка наводно добивала 7.500 евра месечно, а таа ја придружувала министерката дури и на службени патувања, а таквото трошење пари за земја во економска криза предизвика бројни критики.
Во истиот период поранешниот канцелар Олаф Шолц потрошил 13.015 евра, додека другите министри, имале четирицифрени сметки за „разубавување“.
„Најекономичен“ бил министерот за економија Роберт Хабек, чие министерство пријавило трошоци од 598 евра. Претходно, неговото министерство потрошило 350.000 евра за фотографи во текот на четири години, пренесува Бизнис.рс.
фото freepic