Финансии / Банкарство
Банките во Србија преотстапиле голема сума на ненаплатени побарувања од правни и физички лица
29.07.2025
Банките во Србија во периодот од 2013 до 2025 година, преотстапиле ненаплатени побарувања од правни и физички лица во износ од вкупно 81,8 милијарди динари (околу 700 милиони евра), објави Народната банка на Србија. Последниот поголем случај на преземање на побарувањата беше реализиран деновиве меѓу две банки од која едната е во стачај, што беше причина за Н1 да им појасни на граѓаните какви се правата на граѓаните-должници кога нивната банка ќе го додели (продаде) побарувањето од кредитот на друга банка.
Регулативата под надлежност на Народната банка на Србија односно Законот за заштита на корисниците на финансиски услуги дозволува можност за доделување на побарувања што банката ги има на физичко лице, корисник на финансиски услуги, само на друга банка, истакнува Народната банка на Србија во својот одговор до порталот N1.
„Во согласност со овој закон, банката е должна да го извести корисникот за отстапувањето на побарувањата - без одлагање, додека корисникот ги задржува сите права што се договорени, како и правото да поднесе приговори против другата банка што ги имал против првата банка“, велат од НБС.
Друга банка, истакнуваат тие, не може да го стави корисникот во понеповолна положба од положбата што би ја имал доколку побарувањето не било пренесено, а корисникот не може да биде изложен на дополнителни трошоци поради ова. Каматата не може да биде повисока, но може да биде пониска
„Ова всушност значи дека новата банка не може да наплати повисока каматна стапка од првично договорената, со оглед на тоа што нема пречки за примена на пониска каматна стапка, односно поповолни услови за отплата“, истакнуваат од НБС.
Исто така, пред да донесе одлука за отстапување на побарувања од физичко лице на друга банка, банката е должна да го процени влијанието на тоа отстапување врз одредени деловни параметри, како и да ја извести Народната банка на Србија за планираното отстапување најдоцна 30 дена пред склучувањето на договорот за отстапување, заедно со доставувањето на пропишаната документација, и да ја извести НБС за завршеното отстапување во рок од пет дена од датумот на отстапувањето.
„Предмет на отстапувањето може да бидат побарувањата на банката од договорот за кредит, договорот за дозволено пречекорување на сметката и договорот за издавање и користење на кредитна картичка, како и врз основа на неовластено пречекорување“, истакнуваат од НБС, пренесува Бизнис и финансии.
фото freepic