Lifestyle
КАКО ПРАВИЛНО ДА СЕ РАЗЛАДИМЕ ВО АВТОМОБИЛОТ, погрешно користење на клима уредот предизвикува дополнителни трошоци
20.08.2025
При користењето на клима уредот во автомобилот една грешка може драстично да ја зголеми потрошувачката на гориво и да предизвика дефект. Најскапа грешка е нередовното сервисирање на клима уредот, а не се препорачува да се вклучува пред да се проветри возилото.
Пред да го вклучите клима уредот, возете неколку минути со отворени прозорци. На овој начин, ја исфрлате акумулираната топлина од кабината, а клима уредот има потреба од помалку енергија за ладење на воздухот. На овој начин се заштедува гориво и го растеретува компресорот.
Оптимална температурна разлика
Експертите препорачуваат максимална разлика од 5–7°C помеѓу надворешните и внатрешните вредности. Поголема разлика значи поголема работа на компресорот, побрзо абење на деловите и поголема потрошувачка на гориво.
Паметно користење на режимот на вентилација
Користете рециркулација на воздухот само додека не ја изладите кабината, а потоа префрлете се на внесување свеж воздух. Континуираната рециркулација може да ја зголеми влажноста и да создаде непријатни мириси, додека постојаното внесување свеж воздух одржува оптимални нивоа на кислород.
Правилно поставување на брзината на вентилаторот
Не го вклучувајте вентилаторот веднаш на максимална брзина. Започнете со средна брзина, а доколку е потребно, зголемете ја кога кабината малку ќе се олади. Долготрајната употреба на најсилно ниво може дополнително да троши енергија и да создаде бучава.
Редовен сервис и чистење на филтерот
Една од најскапите грешки е нередовното сервисирање на клима уредот. Менувајте го филтерот во кабината најмалку еднаш годишно и проверувајте го нивото на течноста за ладење.
Исклучување на клима уредот пред крајот на возењето
Неколку минути пред да пристигнете на вашата дестинација, намалете ја јачината на клима уредот и вклучете го вентилаторот да дува само свеж воздух. Ова го ослободува компресорот од дополнително оптоварување и ги заштедува последните капки гориво, а кабината ќе остане пријатно изладена уште некое време, објави Курир.