Финансии / Банкарство
Квартален раст од 9.320 милиони денари на вкупните средства на останатите финансиски институции (ОФИ)
29.08.2025г
Позначајни движења кај останатите финансиски институции (ОФИ): втор квартал на 2025 година
Вкупните средства на останатите финансиски институции (ОФИ), во вториот квартал на 2025 година, изнесуваат 275.180 милиони денари, што претставува квартален раст од 9.320 милиони денари. Притоа, останатите финансиски институции учествуваат со 21,7% во средствата на финансиските институции. Во рамки на структурата на ОФИ, најголемо учество имаат пензиските фондови од 64,4% во вкупните средства на ОФИ, по што следуваат осигурителните друштва со учество од 15,1%.
Најзначајни инструменти на страната на средствата на ОФИ се вложувањата во должнички и сопственички хартии од вредност (учество од 51,9% и 26,1%, соодветно), а на страната на обврските главно се обврски врз основа на технички резерви на осигурувањето и капиталните сметки (учество од 53,0% и 36,9%, соодветно).
Најновото соопштение за позначајните движења кај ОФИ е достапно на следната врска:
https://www.nbrm.mk/content/statistika/Soopstenija/OFI/2025/Soopstenie_za_pecat_OFI_Q2_2025_mk.pdf