Финансии / Банкарство

Централна банка на Турција ја намали референтната камата

Турската централна банка денес ја намали референтната каматна стапка од 43 проценти на 40,5 проценти.

Одлуката доаѓа по знаците за забавување на инфлацијата во август, иако цените на храната и услугите продолжуваат да вршат притисок врз цените.

Економскиот раст на Турција во вториот квартал од 2025 година беше повисок од очекуваното, но домашната потрошувачка останува слаба, создавајќи услови за понатамошно намалување на инфлацијата, соопштија од Централната банка на Турција.

Годишната стапка на инфлација во Турција се намали од 33,5 проценти во јули на 32,9 проценти во август, објави Турскиот институт за статистика (Туркстат) на почетокот на септември.

Ова е петнаесеттиот месец по ред на забавување на потрошувачката инфлација во Турција и најниска стапка од ноември 2021 година, пренесува Блиц.


 

Фото Економија и бизнис 

ПРЕПОРАЧАНО

Најчитано