Финансии / Банкарство
Осум милиони Германци со пензија под висината на социјалната помош
14.09.2025
Повеќе од осум милиони пензионери во Германија добиваат пензии кои се дури и помали од социјалната помош. Германските пензии минатата година во просек изнесуваа 1.154 евра.
Дури 42 проценти од 19-те милиони пензионери во Германија имаат пензии помали од 1.000 евра, објавува германската агенција ДПА. Податоците од крајот на минатата година ги објави Министерството за труд како одговор на прашање од парламентарниот претставник Рене Шпрингер од крајно десничарската партија Алтернатива за Германија (AfD).
Според податоците од Германскиот институт за пензиско осигурување, просечната пензија минатата година изнесувала 1.154 евра, во споредба со 1.102 евра во 2023 година. Мажите добивале во просек 1.405 евра, а жените 955 евра, пренесува Блиц.
Фото Економија и бизнис