Економија
Цената на златото се приближува до 4.000 долари
07.10.2025
Цената на златото достигна рекордно високо ниво, a растот е поттикнат од комбинацијата на политичка неизвесност во САД и очекувањата за непосредно намалување на каматните стапки.
Златото порасна за 0,1 процент на 3.965,39 долари за унца, откако претходно во тргувањето достигна рекордно високо ниво од 3.977,19 долари. Во меѓувреме, американските фјучерси за испорака во декември пораснаа за 0,3 проценти на 3.988,10 долари.
Златото, кое не носи камата, традиционално е привлечно за инвеститорите во средини со ниски каматни стапки и во периоди на економска неизвесност.
Скапоцениот метал порасна за дури 51 процент од почетокот на годината, поттикнат од силното купување од страна на централните банки, послабиот долар и растечкиот интерес од малопродажните инвеститори кои бараат безбедност во услови на геополитички и трговски тензии.
Во согласност со моменталните трендови, „Голдман Сакс“ во понеделник ја зголеми својата прогноза за цената на златото за декември 2026 година од 4.300 на 4.900 долари за унца, пренесува Сеебиз.
Фото Економија и бизнис