Бизнис
ОПЕРАЦИЈА „ХЕРКУЛЕС“, блокирани нелегални страници за инвестирање во Германија, жртвите биле барани преку „кол центри“
19.10.2025
Германските експерти за сајбер криминал блокираа повеќе од 1.400 нелегални веб-страници што се користат за масовни измами за тргување, а лековерните клиенти се намамени да инвестираат големи суми со надеж дека ќе најдат профитабилна инвестициска можност.
Лажни веб-страници за тргување биле користени за да се доведат во заблуда клиентите, соопштија германските власти.
Операцијата била насочена против „измами со сајбер трговија“, според заедничкото соопштение на Центарот за сајбер криминал на покраината Баден-Виртемберг и криминалната полиција, во соработка со Германската агенција за надзор на финансискиот пазар (BaFin).
Измамите преку нелегални веб-страници станаа масовни во последните години, а бројот на случаи постојано расте, пренесува ДПА.
Како дел од „Операцијата Херкулес“, 1.406 активни нелегални домени беа затворени во соработка со европската полициска агенција Европол и бугарската полиција.
- Домените што сега се блокирани имале за цел да ги доведат во заблуда потрошувачите и да ги привлечат наводно да инвестираат во манипулирани платформи за тргување, се наведува во соопштението.
Непознатите сторители работат на меѓународно ниво, но „намерно го таргетираат германскиот пазар и луѓето што живеат и престојуваат во Германија“.
Измамниците отвораат лажни платформи за тргување без дозвола од BaFin и користат „кол центри“ за да ги охрабрат жртвите да инвестираат пари во шемата.
- Поради професионалниот пристап на сторителите и употребата на лажни платформи за тргување, многу жртви не сфаќаат дека биле измамени со месеци и се мотивирани да продолжат со плаќањето - се наведува во соопштението.
Фото Економија и бизнис