Бизнис
Повисоките плати во администрацијата ја зголемија реалната плата во август
22.10.2025
Во август 2025 година просечната месечна исплатена нето-плата изнесува 45.310 денари, објави Државниот завод за статистика.
Просечната месечна исплатена нето-плата по вработен, во август 2025 година, изнесува 45.310 денари. Реалната плата во август годинава во однос на август 2024 година е повисока за 5,6 отсто.
Во август 2025 година, во однос на август 2024 година, просечната месечна исплатена нето-плата по вработен е повисока за 10,3 %.
Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Дејности на здравствена и социјална заштита за 14,6 %, Образование за 14,5 % и Административни и помошни услужни дејности за 14,1 %.
Зголемување на просечната месечна исплатена нето-плата по вработен, во однос на претходниот месец, е забележано во секторите: Уметност, забава и рекреација за 5,2 %, Објекти за сместување и сервисни дејности со храна за 4,7 % и Рударство и вадење на камен за 4,5 %.
Главни поенти
- Нето-платата во август 2025 година изнесува 45.310 денари
- Во август 2025 година во однос на август 2024 година е повисока за 10,3 %
Фото Економија и бизнис