Бизнис
Бизнис форум меѓу 60 македонски и грчки компании
06.11.2025
Повеќе од 60 компании од Грција и Северна Македонија се собраа денеска во Стопанската комора на Северна Македонија на Бизнис форум на високо ниво наменет за продлабочување на економската соработка. Настанот, ко-организиран од Грчката амбасада во Скопје и Стопанската комора на Северна Македонија, овозможи повеќе од 200 B2B (бизнис-до-бизнис) средби, информира Стопанската комора.
Форумот го отворија Бранко Азески, претседател на Стопанската комора на Северна Македонија и Софија Филипиду, амбасадорка на Грција.
Амбасадорката Филипиду нагласи дека овој форум претставува извонреден пример за тоа како две соседни земји, кои имаат толку многу заедничко, можат да ги развиваат и продлабочуваат економските врски во корист на двете економии.
Високата посетеност и значајниот број на денешните B2B средби јасно укажуваат на интересот да се премине од дискусија кон конкретни акции, наведуваат од Стопанската комора.
Грчката делегација ја сочинуваа високи претставници од Атинската стопанска и индустриска комора (ACCI), Хеленската федерација на претпријатија (SEV), Асоцијацијата на грчки извозници (SEVE) и „Enterprise Greece“. Грчките компании што учествуваа на форумот претставуваа клучни економски сектори, меѓу кои градежништво и градежни материјали, енергетика, фармацевтски производи, храна и информатичка технологија.
Фото: Амбасада на Грција