Економија
6-та меѓународна научна конференција „Economic and Business Trends Shaping the Future“ (EBTSF-25)
12.11.2025г
Во периодот 13–14 ноември 2025 година, Економскиот факултет – Скопје при Универзитетот „Св. Кирил и Методиј“ во Скопје ќе биде домаќин на 6-тата меѓународна научна конференција „Economic and Business Trends Shaping the Future“ (EBTSF-25).
Конференцијата ќе ги обедини истражувачите и експертите од областа на економијата и бизнисот, со цел размена на современи научни сознанија и искуства.
Меѓу главните говорници се проф. Keld Laursen од Copenhagen Business School од Данска, кој ќе говори на тема „What Makes Universities Economically Useful—and What This Means for Developing Economies“, и проф. Tareq F. Rasul од Gulf University for Science and Technology (GUST) од Кувајт, со предавање на тема „Mastering the Art of Systematic Literature Reviews“.
EBTSF-25 претставува водечка академска платформа која ја поттикнува регионалната и меѓународната научна соработка и придонесува за унапредување на економската мисла и деловната практика. Оваа конференција е дел од активностите со кои Економски факултет – Скопје го одбележува јубилејот – 75 години од своето основање.
Повеќе за конференцијата може да се информирате на:
https://ebtsf.eccf.ukim.edu.mk/