Бизнис
ЗЛАТНА ГРОЗНИЦА ВО КИНА, откриено најголемо наоѓалиште со резерви на злато
15.11.2025
Кина го објави откривањето на најголемото наоѓалиште на злато пронајдено во земјата од 1949 година, со околу 1.444 тони резерви во покраината Лиаонинг.
Министерството за природни ресурси на Кина во петокот го потврди откривањето на наоѓалиштето Дадонгоу. Официјалните лица наведуваат дека наоѓалиштето содржи околу 2,586 милиони тони руда со просечна содржина од 0,56 грама на тон, што изнесува околу 1.444 тони злато, пишува Еуроњуз.
По тековни цени, таа количина злато вреди повеќе од 166 милијарди евра. Златото достигна рекордни нивоа оваа година.
Министерството го опиша откритието како „ултра големо“, но со ниска содржина на злато и рече дека веќе поминало почетна проценка на економската одржливост.
Кина ги забрза своите напори за истражување на минерали во последните години. Во 2024 година, официјалните лица објавија откривање на наоѓалиште од повеќе од 1.000 тони во покраината Хунан и друго од повеќе од 40 тони во Гансу во октомври. Земјата произведе 377,24 тони злато во 2024 година, што е зголемување од 0,56% во споредба со претходната година.
Фото Економија и бизнис