Вести
УТРИНСКИ СООБРАЌАЕН МЕТЕЖ, ВРНЕЖИТЕ ЌЕ ПРОДОЛЖАТ И ВО САБОТА
05.12.2025
Времето денеска ќе биде облачно со врнежи од дожд, кои ќе бидат пообилни во јужните делови од државава. Ќе дува слаб до умерен ветер од северен правец, соопшти Управата за хидрометеоролошки работи. Дождот што паѓаше утринава предизвика сообраќаен метеж во Скопје, и граѓаните патуваат подолго до своите работни места. Возачите чекаа по 20 мининути за да поминат патот од крстосницата кај Тутунски комбинат, во Кисела Вода во Градската болница.
Минималната температура ќе биде во интервал од 6 до 10, а максималната ќе достигне од 8 до 12 степени.
Во Скопје, облачно со врнежи од дожд. Ќе дува слаб до умерен северен ветер. Минималната температура ќе се спушти до 7, а максималната ќе достигне до 11 степени.
Според прогнозата на УХМР, во сабота ќе има локални врнежи од дожд, особено во јужните делови, кои попладне ќе престануваат. Од недела ќе настапи стабилизирање на времето со пониски утрински температури, а дневните ќе бидат во пораст.
Фото Економија и бизнис