Бизнис
ВРАЌАЊЕ НА ПАРИТЕ АКО ГРАДСКИОТ ПРЕВОЗ ДОЦНИ 15 МИНУТИ, како се штитат правата на патниците кои се незадоволни од јавниот превоз во Рим
05.12.2025
Компанијата за јавен превоз во Рим се обврза да им нуди поврат на граѓаните за лоша услуга, соопшти во средата регулаторната комисија за конкуренција, со што заврши истрагата за превозникот. Кон крајот на февруари, италијанскиот регулатор отвори истрага за да утврди дали компанијата за јавен превоз во Рим им обезбедила на граѓаните договорен квалитет на услуга.
Истрагата за „можни нефер деловни практики“ беше покрената по жалбите дека компанијата за јавен превоз наводно не ги исполнила стандардите за квалитет што ги договорил со градот Рим за периодот 2021-2023 година, соопштија регулаторите во соопштението на 25 февруари.
Според приговорите на граѓаните, градската компанија не ги исполнила целите за навремено пристигнување и заминување на возилата, функционалноста на ескалаторите и лифтовите и вработувањето заради обезбедување на метро станиците, додадоа тие.
Истрагата беше затворена откако компанијата се обврза да обезбеди поврат на повеќе од три милиони евра за имателите на годишни билети, соопшти регулаторот. Според италијанскиот закон, кршењето на прописите за правата на потрошувачите може да резултира со казни за компаниите во износ од 5.000 до 10 милиони евра.
Компанијата за јавен превоз во Рим ќе им исплати на секој имател на годишен билет за 2024 година пет евра, а истиот износ ќе им се даде на имателите на годишни билети од 2021 до 2023 година.
Годишните билети за јавен превоз во Рим чинат 250 евра, без попусти.
Операторот за јавен превоз во Рим, исто така, ќе воведе нова мобилна апликација која ќе им понуди на граѓаните делумно враќање на парите доколку нивното патување со редовни автобуски, трамвајски и метро линии е доцнење за повеќе од 15 минути.
Јавниот превоз во Рим е познат по неефикасноста, а градското претпријатие за јавен превоз во спор со регулаторот нагласи дека ги подобрило услугите благодарение на средствата од ЕУ по Ковид-19 и владиното финансирање, пренесува Пословни хр.
Фото Економија и бизнис