Случајот со египетските работници ангажирани во Србија преку посреднички агенции претставува сериозен пример за системско кршење на работничките и човековите права, што директно ги загрозува домашните работници и општеството како целина, објавија денеска од  неформалната група „Египетски работници во Србија“

„Од работниците беа земени бланко меници, кои не служат како правна гаранција, туку како средство за принуда и потчинување. Нивната цел е работниците да не можат да се бунат, организираат или да ги бараат своите права, бидејќи им се закануваат долгови, судски постапки и егзистенцијално уништување на нивните семејства во Египет. Овој механизам овозможува дампинг на цените на трудот, екстремно ниски плати и целосна контрола врз работниците“, наведуваат тие во соопштението.

Додадоа дека во пракса, таков систем им овозможува на работодавачите во Србија да избегнуваат даноци и придонеси, бидејќи работниците често се платени претежно во готово, спротивно на законот.

Тие изјавија дека некои работници од Египет штрајкувале и барале подобри услови за работа, по што работодавачот ги отпишал од социјалното осигурување, а потоа полицијата, по налог на работодавачот и без никаква реална можност работниците да ги бранат своите права или да ја докажат фактичката состојба, им ги откажала визите и покренала постапка за депортација, пренесува Данас.

 Фото Економија и бизнис