Економија
ВО ВЕЛИКА БРИТАНИЈА 6,2 МИЛИОНИ ЛИЦА ЖИВЕАТ ВО „ДЛАБОКА СИРОМАШТИЈА“
27.01.2026
Околу 6,8 милиони Британци живеат во „длабока сиромаштија“, највисока во последните три децении. „Длабока сиромаштија“ се однесува на домаќинство каде што живее двојка со две мали деца и кои, по трошоците за домување, имаат помалку од 16.400 фунти (18.880 евра) годишно, што е 40 проценти од медијалната годишна плата во Велика Британија.
Анкетата ја спроведе Фондацијата Џозеф Роунтри (JRF), организација фокусирана на борба против сиромаштијата. Вкупната стапка на сиромаштија во Велика Британија се намали од 24 проценти во 1994/95 година на 21 процент во 2023/24 година, но стапката на длабока сиромаштија, велат тие, се зголемила од 8 на 10 проценти во истиот период.
Загрижуваат податоците за зголемување на детската сиромаштија. Бројката се зголемува трета година по ред и сега изнесува околу 4,5 милиони деца.
Поради ограничувањето наметнато од Конзервативната влада во 2017 година, семејствата со три или повеќе деца добиваа ист износ на детски додаток како и семејствата со две деца. Ова ограничување беше укинато на крајот од минатата година, што ќе обезбеди дополнителни 3,1 милијарди фунти (3,57 милијарди евра) за семејствата со ниски приходи.
Во извештајот се вели дека децата и лицата со попреченост се непропорционално погодени од сиромаштијата, додека одредени малцински групи како што се заедниците на Бангладеш и Пакистан во Велика Британија имаат особено високи стапки на сиромаштија.
Економијата на Велика Британија порасна за 0,3 проценти во ноември минатата година, што е нејзин најсилен месечен раст од јуни. Сепак, инфлацијата се зголеми повеќе од очекуваното, на 3,4 проценти во декември, но се очекува наскоро нагло да забави, пренесува Сеебиз.
Фото Економија и бизнис