Бизнис
ОПЕК+ разгледува зголемување на производството на нафта во април
26.02.2026
Организацијата ОПЕК+ би можела да го зголеми производството за 137.000 барели дневно уште во април 2026 година, со што ќе заврши тримесечната пауза во растот на понудата. Одлуката доаѓа во време на растечки геополитички тензии и приближување на летната сезона, кога глобалната побарувачка за нафта традиционално се зајакнува.
Според медиумите, членовите на ОПЕК+ на состанокот закажан за 1 март размислуваат за зголемување на производството за 137.000 барели дневно.
Референтната цена на суровата нафта Брент надмина 71 долар за барел, што е највисоко ниво во последните седум месеци. Пазарот реагираше на стравувањата од можна воена ескалација и прекини во снабдувањето, иако пошироката слика сè уште укажува на ризик од глобална прекумерна понуда.
Аналитичарите проценуваат дека тензиите меѓу САД и Иран веќе се одразија на висината на премија за ризик од три до четири долари за барел на цената на американската сурова нафта, објави Инвеститор.ме.
Фото Економија и бизнис