Донесена e одлука за блокирање на граничните премини за товар на 14 април поради нерешено прашање за должината на престојот на професионалните возачи во земјите од Шенгенскиот договор, изјави Душан Николиќ, член на Управниот одбор на бизнис-здружението „Меѓународен транспорт на Србија“.

Од 10 април се планира целосна имплементација на системот за влез/излез (EES) и правилото 90/180, што значи дека возачите на камиони не можат да останат во земјите од Шенгенскиот договор повеќе од 90 дена во период од шест месеци.

„Оставивме доволно долг период за да се откаже протестот, доколку во меѓувреме се најде решение во разговорите со Европската комисија“, рече Николиќ.

Тој додаде дека, во случај масовната конфискација на камиони да започне на 10 април, а возачите кои го надминале дозволениот период на престој во земјите од Шенгенскиот договор, бидат депортирани во нивните земји на потекло, протестот ќе започне уште порано.

Тој посочи дека Синдикатот за транспорт ќе се обиде да се договори за датумот на блокадата со возачите од Босна и Херцеговина (БиХ) и дека, доколку Црна Гора не учествува на протестот, ќе ги блокираат излезите кон таа земја и Македонија, пренесува Данас.

Фото Економија и бизнис