Бизнис
АМЕРИКАНЦИТЕ ПЛАЌААТ НАЈСКАПО ГОРИВО ПО ИЗБОРОТ НА ТРАМП
07.03.2026
Цените на бензинот во САД повторно пораснаа, овој пат за 9 центи за галон, според најновите податоци на AAA, со што просечната цена достигна 3,41 долари за галон, највисока од август 2024 година и највисока од враќањето на Доналд Трамп во Белата куќа.
Просечната цена се зголеми за 43 центи за само една недела, што е најголем неделен скок од почетокот на март 2022 година.
Поголемиот дел од растот на цените е забележан во последните пет дена, при што секој ден се забележува скок од најмалку 5 центи. Зголемувањето од 11,2 центи во вторник го означи најголемиот дневен скок од ураганот Катрина во 2005 година.
Цените на дизелот растат уште побрзо. Просечната цена на дизелот скокна за 18 центи, на 4,51 американски долари за галон, што значи зголемување од 75 центи за само една недела. Националната просечна цена на обичниот бензин во САД, според податоците на Американската автомобилска асоцијација (AAA), се зголеми за дополнителни седум центи и изнесува 3,32 долари за галон, пренесува Н1.
Фото Економија и бизнис