Финансии / Банкарство
Голем пад на акциите на јапонските компании откако Банката на Јапонија ја зголеми главната камата
02.08.2024
Вредноста на акциите на јапонските компании доживуваа дводневно намалување по одлуката на Банката на Јапонија да ја зголеми референтната каматна стапка на 0,25 отсто. Јапонските компаниите за 48 часа, според проценките на Блумберг, изгубиле речиси 600 милијарди долари пазарна вредност.
Состојбата на пазарот е лоша и се споредува со влијанието на цунамито, кое беше предизвикано со хаваријата во нуклеарната електрана Фукушима во 2011 година. Зголемувањето на каматната стапка беше очекувана, но изненади порастот на јапонскиот јен во однос на доларот, што беше причина за поголемата и брза продажба на јапонските акции, пренесуваат медиумите во светот.
Поскапувањето на јенот го достигна четиримесечниот максимум во однос на американскиот долар и ги погоди големите извозни компании во Јапонија.
- Сите се исплашени поради неизвесноста околу движењето на курсот на доларот и јенот. Има голема загриженост дека може да се одрази на приходите на јапонските компании, изјавила аналитичарката Шиса Кобајаши, пренесува „Телеграф.рс“.
фото freepic