Финансии / Банкарство
НАРОДНА БАНКА НА СРБИЈА РЕШИТЕЛНО ПРОТИВ ВИСОКИТЕ БАНКАРСКИ КАМАТИ И ТРГОВСКИТЕ МАРЖИ, ќе се ограничуваат каматите за станбени и потрошувачки кредити
15.08.2024
Гувернерката на Народна банка на Србија Јоргованка Табаковиќ објави дека се подготвени нацрт измените на Законот за заштита на корисниците на финансиски услуги со кои се предвидува ограничување на каматите на станбени, потрошувачки кредити и на дозволените и недозволените минуси на тековните сметки на граѓаните.
- Не можам да зборувам за деталите, ќе разговараме со банките и ќе биде отворена расправа, изјави Табаковиќ.
Ограничувањето на каматите на минусните износи на банкарските картички е засновано на европската пракса, а решението е насочено кон тоа „никој да не изгуби, а сите да добијат“, појасни Табаковиќ.
Народна банка на Србија ќе даде свој придонес во ограничувањето на трговските маржи, а за тоа се чека студијата од Комисијата за заштита на конкуренција. Но, како што забележа таа, сегашната пракса во Србија покажува дека „цените се ѕидаат и додека производите не се влезени во трговската продажна мрежа“, пренесе „Бизлаив“.
фото freepic