Општество
ДОЖДОТ МУ ПОМОГНА НА ЦУК, ГИ ИЗГАСНА СИТЕ ПОЖАРИ, опасноста продолжува до ноември
19.08.2024
Директорот на Центарот за управување со кризи Стојанче Ангелов изјави дека дождот што заврнал вчера во попладневните часови на повеќе места низ државата ги изгаснал сите активни пожари.
- Сметам дека оваа сезона со пожари драстично ќе биде намалена, ако не и завршена. Пожарите секако ќе продолжат и понатаму, до ноември. Впрочем, како што беше и минатата година, но барем засега ќе можеме да здивнеме, вели директорот на ЦУК, Стојанче Ангелов
Ангелов вели дека вчера пред дождовите имало, како што потенцира, неколку сериозни пожари како оној на Кајмакчалан што избувнал во стара борова шума, како и пожарот во близина на Пробиштип што им се заканувал на две села.
Фото архива ЦУК