Општество
ПРОГРАМАТА FRANCE-VISAS Е ГОЛЕМ ПРОЕКТ ЗА ДИГИТАЛНА ТРАНСФОРМАЦИЈА НА ФРАНЦИЈА, земја која обработува најголем обем на апликации за виза во Шенген зоната
02.09.2024г.
Програмата France-Visas е голем проект за дигитална трансформација на Франција, што заеднички е предводен од Министерството за внатрешни работи и Министерството за Европа и надворешни работи. Оваа програмата за визи на Франција е единствен информативен систем за апликациите за виза за влез во Франција.
Во рамките на Шенген зоната, Франција е земја која обработува најголем обем на апликации за виза. Секоја година се бараат повеќе од 3 милиони визи. Визната активност се заснова на 151 конзуларно претставништво, распространето низ 126 земји. Оваа активност генерира и значителен прилив на приходи за државниот буџет. (160 милиони евра во 2022 година).
Од 2018 година, со отворањето за корисниците, France-Visas постепено се развива и сега е целосно во употреба. Сите апликации за визи, за краток или долг престој, туристички визи, визи за професионалци, студентски визи итн., се вршат преку овој систем.
France-Visas нуди процес на аплицирање во единствена, сигурна и модерна алатка, која придонесува за атрактивноста и за безбедноста на територијата.
France-Visas продолжува да се развива со нови функции, редизајнирана ергономија за непречено патување, технички развој поврзани со сајбер безбедноста итн.
France-Visas е проект кој е кофинансиран од Европската Унија, во рамките на инструментот за финансиска поддршка за гранично управување и визна политика (IGFV).
Повеќе за системот можете да видите на https://www.france-visas.gouv.fr/
извор: Newsletter на Француската амбасада во Скопје