Австралија планира до крајот на годината да воведе нови закони кои ќе им оневозможат на децата за користење на социјалните мрежи поради ризикот што го имаат на нивното ментално и телесно здравје, изјави австралискиот премиер Ентони Албанез.

Тој најави воведување на пробен период во кој ќе се побара од корисниците на социјалните мрежи да се провери возраста на нивните корицници, пренесува „Хина“.

- Сакам децата и младите да се тргнат настрана од овие платформи. Сакам да ги видиме на фудбалски игралишта, на базени или на тениските терени. Сакам да имаат вистински искуства со реалните луѓе, бидејќи знаеме колку штета носат социјалните мрежи, изјави Албанез, на националната телевизија.

Премиерот на Австралија не прецизираше  која е долната граница под која нема да се дозволи користење на социјалните мрежи, но додаде дека таа би била меѓу 14 и 16 години. Повод за ова ограничување е влијанието на сајбер насилството на менталното здравје на децата и лесната достапност на штетните содржини на социјалните мрежи.

До сега неколку земји се обидоа да го ограничат пристапот на малолетниците на социјалните мрежи, но за тоа се појавија правни и технолошки бариери, како што се приватните мрежи кои ги  прикриваат локациите.

фото freepic