Финансии / Банкарство
БЕРЗИТЕ И ДОЛАРОТ ВО ПОРАСТ, ПАЃА МЕКСИКАНСКИОТ ПЕЗОС, СВЕТОТ ВО ИСЧЕКУВАЊЕ ПО ИЗБОРИТЕ ВО САД
06.11.2024
Референтните берзански индекси во Јапонија и Австралија забележаа пораст на почетокот на тргувањето во среда, додека американскиот долар зајакна во однос на дргугите главни валути, поради високиот интерес на инвеститорите за резултатите од американските претседателски избори.
Доларот утрово ја зголеми вредноста во однос на еврото, јенот и фунтата, поради очекувањата дека планот на поранешниот претседател на САД Доналд Трамп ќе ги зголеми тарифите и ќе ги намали корпоративните даноци, а ќе ја потикне и инфлацијата и ќе ги здржи каматните стапки високо.
Индексот на доларот, кој ја покажува вредноста во однос на кошничката на валути, се зголеми за 1,5 отсто, а тоа е негов најголем еднодневен раст од септември 2022 година.
Очекувањата на инвеститорите во победата на Трамп, ја намали вредноста на мексиканскиот пезос за 3 отсто во однос на доларот, на најниска вредност од 20,73 пезоси за еден долар. Мексиканската валута се смета за посебно „ранлива“ поради плановите на републиканците да воведат царини на увоз во САД, пренесуваат светските медиуми.
фото freepic