Lifestyle
ГОДИНАВА ЌЕ ЈА ЗАВРШИМЕ СО ПОВИСОКА ГЛОБАЛНА ТЕМПЕРАТУРА
19.11.2024
Оваа 2024 година е на пат да биде првата година во историјата со просечна глобална температура од 1,5°C над прединдустриското ниво, покажуваат податоците на Copernicus, Berkeley Earth и Met Office, кои беа подготвени за потребите за климатскиот самит COP29, што се одржа минатата недела во Азербејџан.
Дополнително влијание на глобалното затоплување годинава имаа ураганите во САД. Последиците се катастрофални за луѓето и за животинскиот свет, бидејќи вишокот на топлина предизвикана од фосилните горива предизвикува се повеќе природни катастрофи. Според процените, три од четири лица ќе се соочат со екстремните временски промени во наредните две децении.
- Рекордните дождови и поплави, со интензивирањето на тропските циклони, смртоносните жештини, сушите и пожарите, стануваат наша секојдневна реалност и слика за иднината која не очекува, изјави Селест Сауло, главна секретарка на Светската метеоролошка организација, пренесува „Пословни дневник“.
фото freepic