Финансии / Банкарство
РАСТЕ БУЏЕТСКИОТ ДЕФИЦИТ ВО САД
12.12.2024
Буџетскиот дефицит во САД се зголеми во ноември и достигна 366,8 милијарди долари или за 17 отсто повеќе од истиот месец лани, објави Министерството за финансии.
Годинава ФЕД донесе две одлуки за намалување каматните стапки, но трошоците за каматите претставуваат извор на буџесткиот дефицит. Нето расходите за каматите изнесуваат вкупно 79 милијарди долари месечно и ги надмина сите други издатоци освен за социјално осигурување, здравствена заштита и за одбраната, пренесува „Сеебиз“.
Државниот долг кон крајот на минатиот месец се зголеми на 36,1 трилиони долари. Министерството за финансии на САД очекува годинава да бидат платени 1,2 трилиони долари за камата за вкупниот долг.
фото freepic