Финансии / Банкарство
АРГЕНТИНА РАЗГЛЕДУВА НОВИ МОЖНОСТИ ЗА ЗАДОЛЖУВАЊЕ
03.01.2025
Аргентинската влада прави процени за тоа дали да преговара за одобрување на заем од два инвестициски фонда или да бара дополнително финансирање од Меѓународниот монетарен фонд за да може да ја одбегне актуелната контрола на валутата и на капиталот во наредните месеци.
Во настапот од минатиот месец аргентинскиот претседател Хавиер Милеи говореше за „дефинитивно решение“ за завршување на контролата за аргентинската валута, а која би била опфатена со новиот договор со ММФ. Од меѓународната финансиска организација потврдија дека Аргентина барала нов договор вреден 44 милијарди долари. Аргентина се обидува да обезбеди трет договор за финансирање од 2018 година, но не е познато дали тоа ќе биде над сегашните 44 милијарди долари. Финансиските експерти во земјата посочуваа на потребата од дополнителни 15 милијарди долари од ММФ.
Централната банка на Аргентина се соочува со негативни девизни резерви, а тоа го спречува намалувањето на контролите со што вредноста на аргентинската валута ќе биде изложена на дополнителен притисок, пренесува „Бизнис.рс“.
фото freepic