Финансии / Банкарство
МАНДАТОТ НА ТРАМП ПОЧНУВА СО ВИСОК БУЏЕТСКИ ДЕФИЦИТ ВО САД
15.01.2025
Министерството за финансии на САД објави дека дефицитот од октомври до декември 2024 година изнесува 711 милијарди долари што е зголемување од 201 милијарда долари (39 отсто) од дефицитот во истиот период претходната година.
Пред новоизбраниот претседател Доналд Трамп да ја преземе функцијата следната недела, состојбата во државниот буџет е таква што расходите нагло се зголемиле, а приходите благо паднале во текот на предметниот период, објави Ројтерс.
За декември, дефицитот од 87 милијарди долари беше намален поради подобриот прилив на приходи во споредба со дефицитот од 129 милијарди долари во декември 2023 година.
Според извештајот, приходите за дванаесеттиот месец се зголемени за шест отсто, на 454 милијарди долари, додека расходите се намалени за три отсто на 541 милијарда долари, пренесува „Политика“.
фото freepic