Финансии / Банкарство
КОЛКУ ТРЕБА ДА Е МЕСЕЧНАТА ПЛАТА ЗА ДА СЕ КУПИ КУЌА ВО ГЕРМАНИЈА?
15.01.2025
За купување на куќа во Германија во вредност од 300.000 евра потребно е просечниот граѓанин да има соодветна плата и добри кредитни услови. Финансиските експерти препорачуваат потенцијалниот купувач да плаќа месечна рата на кредитот во висина на 40 отсто од расположивите приходи на домаќинството, пишуваат германските медиуми.
За куќа од 300.000 евра и стандардната камата од 4,5 отсто и рок на отплата на кредитот месечната рата во овој момент би изнесувала 1.500 евра. Тоа значи дека купувачот треба да има нето плата од најмалку 3.750 евра, за да може редовно да го враќа кредитот и да има пристоен живот.
За одобрување на банкарскиот кредит лицето кое купува куќа во Германија мора да има поголема бруто плата од 5.000 евра. Банките очекуваат лицето да учествува со најмалку 20 отсто од одобрениот кредит, а тоа треба да ги покрие и дополнителните трошоци за одобрување на кредитот, кои достигнуваат до 30.000 евра, пренесува Б92.
Генерално банкарските услови за купување на куќа за многу граѓани во Германија се недостижни, а минималната месечна плата треба да изнесува 3.900 евра, што е причина и за станбената криза со која се соочува градежнитвото во оваа земја.
фото freepic