Финансии / Банкарство
ДОЛАРОТ „СЛАБЕЕ“ ПО РАСТОТ ВО ШЕСТ НЕДЕЛИ
19.01.2025
На девизните пазари минатата недела, доларот благо падна во однос на кошницата валути, првпат по растот во шест недели, по информациите за забавување на инфлацијата во САД со што ги обнови шпекулациите дека американската централна банка ќе ги намали каматните стапки.
Индексот кој ја мери вредноста на американскиот долар во однос на шесте главни светски валути, падна за 0,2 отсто минатата недела, на 109,41 поени.
Курсот на еврото во однос на доларот се зголеми за 0,25 отсто, на 1,0270 долари. Американската валута ослабе и во однос на јапонската валута за 0,9 отсто, на 156,30 јени.
Минатата недела беше објавено дека потрошувачките цени во декември во САД се зголемени за 0,4 отсто на месечно ниво, додека во целата минатата година пораснале за 2,9 отсто. Ова е за 0,1 процентен поен помала инфлација од очекувањата на аналитичарите.
Инвестиротите проценуваат дека ФЕД би можел да ги намали каматните стапки на состанокот во јуни. Дотогаш, велат аналитичарите, челниците на централната банка ќе го следат влијанието на политиката на Доналд Трамп, кој ја презема Белата куќа во понеделник, врз економијата и инфлацијата, пренесува „Сеебиз“.
фото freepic