Lifestyle
ЦЕНАТА ИЛИ КВАЛИТЕТОТ, КОЈ Е ПРИМАРЕН КРИТЕРИУМ ЗА КУПУВАЊЕ НА НОВ АВТОМОБИЛ?
19.01.2025
Марката на автомобилот, моделот, перформансите, економичноста, цената или нешто трето? Кој е главниот критериум според кој купувачите се одлучуваат при избор на нов автомобил. Сепак, новото меѓународно истражување покажува дека цената е примарниот критериум.
Имено, 62 отсто од испитаниците во Германија изјавиле дека би го избрале најевтиниот автомобил. Вториот критериум при изворот е квалитетот на изработката на автомобилот. Истражувањето кое е спроведено во повеќе земји од страна на консултатнтската фирма „Дилоит“ покажало дека покрај Германците и купувачите во Јапонија даваат предност на цената над квалитетот на автомобилот.
Во Велика Британија овие два критериуми се подеднакво важни, додека во Кина, Индија, Јужна Кореја и САД купувачите избираат нов автомобил врз основа на квалитетот.
На пример, во Германија десет отсто од купувачите не планираат да платат за следниот автомобил до 10.000 евра. Другите 11 отсто се подготвени да платат до 14.999 евра. Најголем дел односно 29 отсто планираат да платат од 15.000 до 29.999 евра, а 28 отсто од германските купувачи би издвоиле од 30.000 до 49.999 евра. Другите купувачи би платиле над 50.000 евра за нови ватомобил, пренесува „Свијет.хр“.
фото freepic