Финансии / Банкарство
ВО СРБИЈА ДЕНОВИВЕ ИМА(ЛО) НЕДОСТИГ НА ЕВРА ВО МЕНУВАЧНИЦИТЕ!
23.01.2025
Во изминатите два дена граѓаните во Србија не можеле да разменат динари во евра во менувачниците во земјата. Овие информации пристигнале и до редакцијата на „Блиц“ од каде информираат за тоа дали има поголемо нарушување на менувачкиот пазар во Србија. Читателите се жалеле дека не можат да купат повеќе од 200 евра, а како што објасниле работниците во менувачниците причината била што не располагаат со доволна готовина во евра!
Според податоците на Народна банка на Србија, банките располагаат со потребната количина на странска валута во готовина што овозможува непречено снабдување со евра до менувачниците.
- Не се забележани поголеми нарушувања на менувачкиот пазар. Народна банка на Србија редовно ги следи движењата на финансискиот пазар вклучително и на менувачките работи, информираат од централната банка на Србија
Како што информираат српските медиуми, поголемиот промет и побарувачка за девизи е можен поради претходните празници и враќањето на луѓето од одморите.
фото freepic