Финансии / Банкарство
ФЕД НЕ ГИ ПОСЛУША ПОРАКИТЕ НА ТРАМП, каматите остануваат непроменети, берзите во пад
30.01.2025
Индексот СиП 500 падна во средата откако Федералните резерви ги остави каматните стапки непроменети во првата политичка одлука за оваа година, додека акциите на Нвидиа забележаа пад од 13 отсто по еднонеделниот раст.
Индексот на широкиот пазар падна за 0,47% на 6.039,31, додека Nasdaq Composite загуби 0,51% од вредноста и достигна 19.632,32 поени. Dow Jones Industrial Average падна за 136,83 поени, или 0,31%, на 44.713,52, објави „Сеебиз“.
Федералните резерви одлучија да ја задржат основната каматна стапка во опсег од 4,25% до 4,5% на првиот состанок во 2025 година. Оваа одлука доаѓа по три последователни намалувања на каматните стапки во претходната година, кои вкупно изнесуваа еден процентен поен.
Претседателот на ФЕД, Џером Пауел, нагласи дека централната банка ќе продолжи внимателно да ги следи економските податоци пред да направи дополнителни прилагодувања. Тој повторно ја потврди посветеноста на ФЕД кон целта за инфлација од 2% и истакна дека е важно прво да се проценат ефектите од претходните промени во политиката.
ФЕД се одлучи на „чекање и следење“ на состојбата, наспроти повиците на претседателот Доналд Трамп за итно намалување на каматните стапки во насока за стимулирање на економијата, Економските показатели покажуваат дека инфлацијата е значително намалена – од речиси 10% во 2022 година но се уште е малку на над целта на ФЕД од 2%.
фото freepic