Финансии / Банкарство
ЕЦБ ГИ ИЗБРА ТЕМИТЕ ЗА НОВИОТ ИЗГЛЕД НА ЕВРОБАНКНОТИТЕ
31.01.2025
Управниот совет на Европската централна банка (ЕЦБ) избра мотиви за две можни теми за идните банкноти на еврото. Првата е „Европска култура: Заеднички културни простори“, која става акцент на заедничките културни простори и познатите Европејци. Втората е „Реки и птици: Различноста значи издржливост“, со што се нагласува одржливоста и различноста во природата. Годинава ќе биде објавен конкурс за дизајн на кој ќе можат да се пријават дизајнери од целата Европска Унија.
Како што информираат од Хрватската народна банка (ХНБ), одлуката ги земала предвид предлозите на две мултидисциплинарни советодавни групи со членови од целата еврозона. Изборот на темите произлегоа од изнесените мислења на повеќе од 365.000 Европејци кои учествувале во јавните анкети.
- Воодушевени сме што можеме да претставиме мотиви од реалниот живот кои ја покажуваат нашата посветеност на Европа и го славиме нејзиното културно наследство и природната средина. Новите банкноти ќе го симболизираат нашиот заеднички европски идентитет и различноста што нè прави посилни, изјави Кристин Лагард претседателката на ЕЦБ.
Темата „Европска култура“ ги слави заедничките културни простори кои го обликувале европскиот идентитет низ вековите. Мотивите за оваа тема прикажуваат различни културни активности и простори, како и познати европски личности кои придонеле за создавање на европското културно наследство во текот на шест века.
Во потесниот избор за предната и задната страна на банкнотите вклучува: за банкнотиата од пет евра 5 евра се Марија Калас и улични изведувачи, за 10 евра Лудвиг ван Бетовен и фестивал на кој пее детски и младински хор, за 20 евра предложени се Марија Кири и наставник кој учи студенти и за 50 евра се Мигел де Сервантес и возрасни, момче и девојка во библиотека. За банкноттата од 100 евра се предлага ликот на Леонардо да Винчи и возрасни и деца гледаат уметност, а за 200 евра се Берта фон Затнер и плоштад со дрвја.
Темата „Реки и птици“ ја нагласува еластичноста и различноста на природните екосистеми во Европа преку презентирање на различни делови од речниот тек и видови птици, нагласувајќи ја важноста на природата и заштитата на животната средина. Скратениот список за предната и задната страна на банкнотите вклучува: планински извор и Европскиот парламент за банкнотата од 5 евра, водопад и Европската комисија за банкнотата од 10 евра, тесна речна долина и ЕЦБ за банкнотата од 20 евра. кривулеста река и Судот на ЕУ за банкнотата од 50 евра, а вливот и Европскиот совет за банкнотата од 100 евра и Советот на ЕУ, и за 200 евра, морски пејзаж и Европскиот суд на ревизори, објави „Индекс.хр“.
фото freepic