Финансии / Банкарство
САД СЕ СООЧУВА СО СЕРИОЗНА НАЦИОНАЛНА ДОЛЖНИЧКА КРИЗА, се посочува во документот на Претставничкиот дом
13.02.2025
Буџетскиот дефицит на САД само во јануари се зголеми за 129 милијарди долари, објави денеска американското Министерство за финансии.
Дефицитот во американската федерална каса изнесуваше рекордни 840 милијарди долари за првите четири месеци од фискалната 2025 година, што започна на 1 октомври 2024 година, објави Блумберг.
Кумулативниот дефицит од октомври до јануари е зголемен за 25 отсто.
Буџетскиот дефицит беше поттикнат од зголеменото трошење во области како што се здравствената заштита, социјалното осигурување, трансферите на ветераните и плаќањата на каматите на долгот.
Американскиот Конгрес прогласи голема должничка криза која надминува 36 трилиони долари.
САД се соочуваат со сериозна национална должничка криза која ја загрозува долгорочната стабилност на земјата, се вели во текстот на резолуцијата за буџетот на Претставничкиот дом.
„САД се соочуваат со значителна должничка криза, која моментално надминува 36 трилиони долари, или 123 отсто од БДП“, се наведува во документот.
Забележано е дека од 2019 година, трошоците на американската влада се зголемени за 59 отсто и сочинуваат 70 отсто од целиот федерален буџет.
„Долгот претставува голема закана за долгорочната фискална одржливост на земјата, со импликации за идните генерации“, сметаат авторите на резолуцијата.
фото freepic